ნოვრუზ-ბაირამი საერთო-სახალხო დღესასწაულად გამოცხადდება
საქართველოს პრეზიდენტის მიხეილ სააკაშვილის გადაწყვეტილებით, ნოვრუზ –ბაირამი საერთო-სახალხო დღესასწაულად გამოცხადდება.
ამის შესახებ მიხეილ სააკაშვილმა დღეს მარნეულიში ადგილობრივ მოსახლეობასთან შეხვედრის დროს განაცხადა, სადაც მათ დღესასწაული მიულოცა.
პრეზიდენტის თქმით, ნოვრუზ-ბაირამის აღნიშვნა კიდევ ერთხელ ცხადყოფს, რომ საქართველოსთვის ყველა მოქალაქე ერთნაირად მნიშვნელოვანია, მიუხედავად ეთნიკური წარმომავლობისა.
“თქვენ ხართ ჩვენი სისხლი და ხორცი, თქვენი დღესასწაული ჩვენი, მთელი საქართველოს დღესასწაულიცაა. დღეიდან ნოვრუზ-ბაირამი გამოცხადდება საერთო-სახალხო დღესასწაულად. თქვენი ტკივილი ჩვენი ტკივილია და თქვენი სიხარულიც ერთად უნდა გავიზიაროთ. ჩვენ არ ვასხვავებთ ჩვენი ქვეყნის შვილებს ერთმანეთისგან”, – განაცხადა მიხეილ სააკაშვილმა.