• Call us now:

    +995 598 01 01 01

  • Drop us line:

    info@islam.ge

  • Visit Our Office:

    ბათუმი, გორგასალის N1

ხალას მეჩეთი

მეჩეთის ისტორია

მთხრობელი ჯემალ  (ქემალ) ვარსანიძე

საბჭოთა დროს ეს იყო საწყობი. მე მახსოვს რომ პერესტროიკის დროიდან. როდის გაიხსნა ეს უკვე მახსოვს. გორგაძნებში სეიდ კონცელიძე ცხოვრობდა, ის კაცი ამოვიდა აქ და იმ კაცმა გახსნა აქ ჯამე და ის კაცი იყო იმამი. მიმბარი გაიტანეს, ნოხები. აქაურობა ძალიან დანგრეული იყო, ხავსი, ხვლიკები დარბოდა, სახურავი დაზიანებული იყო. კონცელიძე ზაბითი ჩაუდგა სათავეში და აქაურობა მოაწესრიგა. შემოწირულობებით, ნაცნობობით და ასე გააკეთა. მერე კალატოზი იყო ჯემალ გორგილაძეც, იმანაც წვლილი შეიტანა. იყო მემედ იმნაძე, ახმედ ქარცივაძე, ჰაიდარ იმანძე, ჰაიდან კონცელიძე, ბარამიძე ხასანი. პირველი იმამი აქ იყო სკენდერ ანთაძე. იგი იყო ყველაზე მშრომელი. ძალინ გაჭირვება იყო მაშინ, 90-იან წლებში. ეს მეჩეთად აგებული შენობაა, მაგრამ თავდაპირველად აქვე საწყობში ხდებოდა ლოცვა, რადგანაც ეს შენობა ცუდ მდგომარეობაში იყო.  ორი წელი გრძელდებოდა საწყობში ლოცვა. მერე გორგილაძე ჯემალი იყო ასეთი პიროვნება და იმან თქვა, რომ თუ ხალხი ამომიდგება გვერდში ეს აღდგებაო და მართლაც აღადგინა ყველას დახმარებით.

ადრე აქაურები სალოცავად ბათუმში დადიოდნენ.

პირველი იმამი იყო სკენდერ ანთაძე

2010 წლიდან სამუფთო სამმართველოს ბრძანებით დავინიშნე მე ვაძა ანთაძე. მეჩეთი ძალინ ავარიულ მდგომარეობაში იყო. გამოვნახეთ სახსრები და სახურავი შევცვალეთ. აბდესხანა გავაკეთეთ და ნელნელა ყველაფერს ვაწესრიგებთ.

ხალას მეჩეთი

მეჩეთი დგას მდინარის პირას და ირგვლივ სასაფლაოს ტერიტორიაზე. შენობა ორსართულიანი და ნაწილობრივ გადაკეთებულია. შესასვლელში მცირე ღიობია, საიდანაც ჰოლში შეიძლება შესვლა. ჰოლის ფართობი 15 კვადრატული მეტრი. თავდაპირბელად სამლოცველო დარბაზს ჰქონია ორი შესასვლელი, რომლის თაღოვანი ნაშთიც შემორჩენილია. ჰოლში მოწყობილია წყლის ონკანები განსაბანად.

ჰოლიდან არის შესასვლელი სამლოცველო დარბაზში, რომელშიც მომცრო ოთახია მოწყობილი. სამლოცველო დარბაზის სიმაღლე 4,47 მეტრია. გვიან მოწყობილ გუმბათთან ერთად კი ხუთ მეტრზე მეტია.  დარბაზში მოწყობილია ბეტონის ბლოკებით მოწყობილი მიმბერი. შემორჩენილია ხის ძველი მიბარის ნაშთებიც, რომელზეც შემორჩენილია ხის ჩუქურთმები.  თავდაპირველად იგი უფრო დიდი ყოფილა, მაგრამ რესტავრაციის დროს გადაუჭრიათ დაზიანებული ადგილები.

სამლოცველო დარბაზის მარცხენა კუთხეში მიდგმული კიბით შესაძლებელია მეორე სართულის სამლოცველო სივრცეში მოხვედრა.

მეორე სართულზე არსებულ კედელში შემორჩენილია თაღოვანი კარის ნაშთი რომელზე დეკორი და არაბული წარწერაა შერჩენილი.

ქურსის ისტორია

სამლოცველო დარბაზში შემორჩენილი ხის მოჩურთმებული ქურსი.  იგი საკუტარი ხელით დაუმზადებია გურიადან (ზემო სურებიდან) აქაურ სკოლაში სასწავლო ნაწილის გამგედ, შემდეგ კი სკოლის დირექტორად ნამუშევარ პირს – ვალერიან ძნელაძე. ნიმუშად ბათუმის ორთაჯამის ქურსი აუღია. თავისი ხელით დაამზადა, ჩვენ არც კი დავხმარებივართ. მეჩეთის რესტავრაციის შემდეგ დაამზადა და აქ დააყენა. ამ ადგილას ეტყობოდა რომ თავდაპირველად ქურსი იყო და სწორედ ამიტომ შეარჩია ეს ადგილი. ამ ადამიანს აქ დამარხვაც სურდა, მაგრამ შვილებმა აღარ დატოვეს მის ნეშტი ჩვენს სასაფლაოზე.

Visual Portfolio, Posts & Image Gallery for WordPress

Leave a comment

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *